Zarautz

'Itzulera' antzezlana aurkeztuko du Modelon Dejabu konpainiak

Kultur programaren baitan, martxoaren 21ean, Dejabu konpainiaren 'Itzulera' antzezlana izango da ikusgai Modelo aretoan. Proiektu eszeniko berri hau umorez, poesiaz eta akzioz beteta dago. Autofikziozko obra honetan, konpainiako kideek euren sormenaren eta identitatearen zentzua zalantzan jarriko dute.

Hilabete hauetako programazioaren azken antzezlana ekainean izango dugu, eta Aitziber Garmendia eta Jon Plazaola izango ditu protagonista. 'Arizona' antzezlanak mugei, migrazioari, giza ergelkeriari eta manipulazioaren mugei buruzko gogoeta egiten du, bizitzaren basamortuan galdutako bi gizakiren arimaren erretratu tragikomikoaren bidez.

Bi emanaldiak 20:00etan hasiko dira eta sarrerak aspalditxotik salgai daude.