Zarautz

Hotzari aurre egin zioten inguruko eskoletako haurrak plaierotan

Eskola kirolaren barne, atzo goizean hondartzan gaztetxoen futbol jardunaldia jokatu zen. Hondartzako futbol txapelketaren barne kokatzen da lehia eta hirugarren jardunaldia zuten jokoan. Zarautz, Getaria, Orio eta Aiako neska eta mutilak eguraldi hotzari aurre eginaz elkartu ziren eta ikuskizun ederra eskaini. Gurasoen babesa zuten zelaien ertzetik eta partidak bukatu bezain laster denak berokiak jantzi eta etxe bidea hartu zuten. Oraindik azken jardunaldi bat jokatu beharko dute finalerdien aurretik, martxoak 29an goizeko 09:45ean.