Zarautz

Haurren Txaparrotan 119 talderen partaidetzarekin

Atzo goizean eman zitzaion hasiera Txaparrotan txapelketari, 'desertu txikian'; asteburu honetan haurren txanda izango da (benjamin, alebin eta infantilak, 14 urte arte) eta datorren asteburuan, helduena. Urtero bezala, hondartzako eskubaloi festa handia, eta atzokoan bezala eguraldiak laguntzen badu, oraindik handiagoa, Zarautz kirol elkarteko eskubaloi saileko ordezkarien eskutik. Guztira sei zelaietan banaturik ikusi genituen atzo goizean eta txapelketak gaur izango du jarraipena, arratsaldeko 18.00ak aldera aurtengo talde txapeldun guztiak ezagutuko ditugularik.