Gipuzkoako Bola eta Toka Txapelketa, gaur Zelai Ondoko bolatokian

Gipuzkoako Bola eta Toka Txapelketa ospatuko dute Zarauzko Zelai Ondoko bolatokian gaur. Hitzordu hau hainbat ediziotan atzeratu da, pista ez baitzegoen ospakizunerako baldintza minimoetan. Gaur esan daiteke, estalkiaren eta gainerakoen lanak amaituta, sei hilabeteren ondoren pista egokitzea lortu dutela Zelaiondoko Bol&Tok Kirol Klubeko kideak txapelketa honek merezi duen jokorako.

Denera, 36 bolari eta 25 tokalari arituko dira, probintziatik etorritakoak elkartuko dira, guztiak ere urtean zehar jokatutako txapelketetan lehiatzeko sailkatuta.

Donostiako, Lasarteko, Urnietako, Hernaniko, Ereñotzuko, Villabonako, Ibarrako, Segurako, Zeraingo, Gabiriako, Legazpiko eta Zarauzko kluben ordezkariak egongo dira tiraldian.

Bolatan, goizeko 8:15etan Txapelketako tirada ordenaren zozketa gizonezkoetan. Jarraian, probako tiradak. 9:00etan Txapelketaren hasiera. 26 bolaritik 12 onenak sailkatuko dira hurrengo kanporaketarako.

10:45etan emakumezkoen kategorien zozketa. Ondoren, probak eta 10 bolaritik 4 sailkatuko dira hurrengo kanporaketarako. Jarraian, gizonezkoetan 6 sailkatuko dira eta emakumezkoenta lau bolarietatik bi sailkatuko dira finala jokatzeko. Gizonezkoetan sei bolarietatik, bi sailkatuko dira finalera.

Finalean zortzi bola jaurti beharko dituzte, eta gehien botatzen duena txapelduna izango da. Tokari dagokionez, gizonezkoen 21 tokalarien eta emakumezkoen 4 tokalarien ordena ezartzeko zozketa 09:00etan egingo da. Ordu erdi geroago, 9:30ean tiradaren hasiera.

Maila bakoitzean sei fitxako sei tiradetan gehien jotzen duena izango da txapelduna.