Zarautz

Euskaraldiak badu bere hamaikakoa Zarautzen

Maiatzaren 15etik 25era ospatuko den Euskaraldiak aurkeztu du Zarauzko hamaikakoa. Hamaikakoa ondorengoek osatzen dute: Goizane Arregi, Iñaki Azkue, Celeste Martinez, Aitzpea Agirrezabala, Tasio Gorrotxategi, Marian Galarraga, Mari Jose Itsaso, Bouba Mbaye, Jone Albisua, Hilario Garcia eta Jose Inazio Eliasek. Hamaikakoa osatzen duten kideek euskararen erabilera bultzatzeko urratsa emateaz gain, ekimenaren enbaxadore lana ere egin beharko dute, eta herritarren parte hartzea aktibatu, Euskaraldiaren berri haien inguruan emanez.