Euskal Astearen amaieran, Euskal Jai egun handia

Euskal dantza. Erromeriak nagusituko dira egunean zehar. Musika Plazan, Iñurritzan... /  ETXEBERRIA
Euskal dantza. Erromeriak nagusituko dira egunean zehar. Musika Plazan, Iñurritzan... / ETXEBERRIA

Eguerdian Alproja taldeak '40 sinfonia' antzeztuko du Aritzbatalden |

ANTXON ETXEBERRIA ZARAUTZ.

Zarauztarrok hainbeste maite dugun eguna ospatzen dugu gaur, Euskal Asteari amaiera emanaz. Goizeko lehen orduetatik eta gauerdidarte, egitaraua beteta datorkigu, urteroko usadio eta tradizioak mantenduz, baina ikutu txiki berri batzurekin. Goizeko dianaren ondoren, Goiztiarrak taldeak aintzinako ohiturak berreskuratu eta personaiak irudikatuko ditu kalez-kale, eguerdi partean Frontoi Txikian izango direlarik. Goizeko 10:30ean Frantziskotarren elizan herri meza izango da, Zarautz Abesbatzak abestua. Goiz guztian, txistulari, trikitilari, dultzainero eta Iturengo tunturroak ibiliko dira.

Eguerdiko 12:00etan, Alprojak '40 sinfonia' antzeztuko du. Aritzbatalde kiroldegian izango da euri arriskuagatik. Asteak eman dituzte prestatzen, eta eskertzekoa muxutruk hartzen duten lana. Amaitu ostean, Munoan gaztetxoentzat euskaraokea Joxe Mendizabalekin, eta Musika Plazan berriz, erromeria eta 14:00etan Lizarrako Larrain dantza; era berean, 13:30ean, karro lehiaketaren sari banaketa udaletxeko plazan.

Arratsaldeko erromeria Iñurritzan izango da. Batetik, Bide Batez taldearekin erromeria izango da, eta bestetik, haurren txokoa. Gauerako aukerak berriz, Musika Plazan trikitilariekin erromeria eta Munoan dantzaldia Oxabi talde bizkaitar. Ahaztu gabe ere Azken Portun txosna gunea dagoela, Tik Tara taldearen kontzertuarekin.

Contenido Patrocinado

Fotos

Vídeos