Zarautz

Eta datorren asteburuan, helduen txanda

Txaparrotan eskubaloi txapelketa igande arratsaldean amaitu zen, maila desberdinetako finalekin. Benjamin, alebin eta infantil mailako taldeak aritu dira bi egunetan 'desertu txikian', sei zelaietan banaturik. Guztira 119 taldek hasi zuten lehia larunbat goizean eta larunbateko lehen faseko partiden eta igande goiz eta arratsaldeko azken kanporaketak ondoren, aurtengo txapeldunak ezagutu ditugu. Talde gehienak Zarauzkoak izan dira, baina, baita ere inguruko herrietakoak eta urrutiagotik etorritakoak ere, hondartzako eskubaloi txapelketa garrantzitsua baita Txaparrotan. Datorren asteburuan helduen txanda izango da, kadeteetatik gora. Argazkietan, igande arratsaldeko bi finaletako irudiak, bai mutilena zein neskena.