Enpresetarako oinarrizko finantza-kudeaketa ikastaroa eskainiko da Basazabalen

El Diario Vasco
EL DIARIO VASCOAZPEITIA.

'Enpresetarako oinarrizko finantza-kudeaketa' ikastaroa eskainiko da urrian Basazabal formazio zentroan. Azpeitiko Udalak eta Deustoko Unibertsitateak formazio eskaintzarako hitzarmena dute. Saioak urriaren 4an eta 11n izango dira, 09:00etatik 14:00etara bitartean.

Izen-ematea

Enpresaren kudeaketa finantzarioko oinarrizko tresnak ezagutzea eta egunerokoan hartzen diren erabakien ondorio ekonomiko eta finantzarioak aztertzea da ikastaroaren helburua.

Parte hartu nahi dutenek aurrez izena eman beharko dute. Horretarako hiru bide dituzte: Basazabal bertatik pasatuta, formazioabasazabal@azpeitia.eus helbidera mezu bat bidalita edo 688-845 118 telefonora deituta.

Ikastaroaren prezioa 6,75 euro izango da Azpeitian erroldatuta daudenentzat, eta 8,10 euro gainerakoentzat.