Danok Danena taldeko Igor Sasiain nagusi Zarautz Sarian

Zarautz Sarian parte hartu zuten hiru taldeetako pultsolariak. /
Zarautz Sarian parte hartu zuten hiru taldeetako pultsolariak.

Guztira hiru talde eta 18 kirolari izan ziren lehian malekoian VIII Jose Mari Illarramendi Sarian

El Diario Vasco
EL DIARIO VASCOZARAUTZ.

Danok Danena taldeko Igor Sasiain 320.26 punturekin nagusitu zen larunbatean malekoian, Lecera Kafetegia eta Gurutz Gorriaren artean ospatu zen VIII Jose Mari Illarramendi Saria - Zarautz Halterofilia Sarian. Bigarren Zarautz kirol elkarteko Jaizki Mendizabal sailkatu zen 288.42 punturekin eta hirugarren Zarautz Cross-fit taldeko Imanol Citores 281.81 punturekin.

Guztira 3 talde eta 18 kirolari izan genituen lehian, bakoitzak sei pultsolari aurkeztu zituelarik. Zarautz kirol elkartetik, Jaizki eta Borja Bravo, Danel Lopez, Kepa Azpiroz, Harkaitz Gasco, Romeo Ballesteros eta Urko Exposito; Zarutz Cross-fit taldetik: Imanol Citores, Iñaki Unanue, Martxelo Illarramendi, Maria Arregi eta Pablo Cazalis. Aipatu ere Zizurkil-go Danok Danenatik, Igor Sasiain, Jon Ander Iriarte, Alejandro Tomas, Gorka Endjlo, Mikel Quintana eta Jon Rodriguezeklehiatu zutela.

Eguna hasteko, haurrentzat jokoak egin zituzten, halterofiliako entrenatzaileek proposatutako ariketak. Ondoren, aipatutako hiru taldeetako kirolariak izan ziren lehian. Halterofiliako bi txanda izan ziren, eta ondoren sari banaketaren aurretik Zarautz Kirol Elkarteko herri kirolak sailaren erakustaldia Iraitz eta Jaques gazteekin, Hodei Iruretagoiena harriarekin eta Saberri txingekin.

Txapelketako lehen txandan 11 kirolari eta bigarrenean gainontzekoek lehiatu zuten, epaile lanetan Jose Manuel Veiga, Ricardo Oyarzabal, Enrike Kortajarena eta Imanol Zulaikak jardun zutelarik. Azkenik, sari banaketan Jexux Arana Zarauzko jarduneko alkate, Esteban Collantes ZKE-ko lehendakaria eta Jon Mendizabal ZKE-ko lehendakari orde eta ZKE halterofiliako lehendakaria izan ziren.

Aipatzekoak, ZKE halterofiliako infantil, kadete, senior eta master mailetako kirolariak ikusi genituela. Hauetatik, duela bi aste infantil mailan Euskadiko txapeldun atera zen Harkaitz Gasco eta apirilan Espainako master txapeldun izan zen Jaizki Mendizabal. Jaizki abuztua amaieran Kanadan, Montrealen izango den Munduko Master Txapelkerako sailkatu dela goraipatu behar.

ZKE Halterofiliak, lerro hauen bidez, aurtengo txapelketako babesle guztiei bere eskerrak azaldu nahi dizkie.