Gu ere bertsotan egitasmoaren amaiera ekitaldia

ZARAUTZ.

Zarauzko Udalak herriko ikastetxeekin batera antolatutako Gu Ere Bertsotan egitasmoaren amaiera ekitaldia izango da maiatzaren 20ean Aritzbatalde Pilotalekuan. LH 4, 5 eta 6ko 400 bat ikaslek hartu dute parte egitasmoan ikasturte guztian zehar. Iñaki Gurrutxaga eta Maddalen Arzallus bertsolariekin bertsolaritzara hurbiltzeko aukera izan dute.

2007an hasi zen egitasmoa, beraz, azken hamabi ikasturtetan Zarauzko ikasleek parada ederra izan dute bertsolaritza zer den ikasteko eta baita bertsotan jarduteko ere. Aurten ere bi jaialdi izango dira, bata 17:30ean eta bestea 19:00etan. Haurrek ikasturtean zehar ikasitakoa erakutsi ahal izango dute Aritzbatalde Pilotalekuan. Ateak zabalik izango dira bertaratu nahi duten, guraso, familiarteko, lagun eta herritar guztientzat.