Bertso emanaldi berezia gaur Merkatu Plazan, 120 urte bete dituen honetan
Andoni Egaña eta 'Mantxi' bertsolariek eta Xabier Alberdi historialariak hartuko dute parte, iluntzeko 19:00etatik aurrera Herrimamituz saioan
Zarauzko Merkatu Plazak 120 urte bete ditu aurten, izan ere 1903 urtean izan zen eraikia. Urte guzti hauetan gorabehera ugari izan ditu merkatuak, gartzela ... ere garai batean bertan egon zen; goiko partean arrandegiak zeuden orain urte asko ez arte. Azken berritze lanak orain urte eta erdi burutu ondoren, Merkatu Plaza dotorea geratu zaigu, zolu berriarekin, postu itxiekin...
Berritze lanak eta gero, joan den urteko abenduan, Zarauzko merkatuko baserritar eta dendariek elkarte berri bat sortu zuten, Merkatua biziberritzeko asmoz. 'Merkatua bizirik' izenarekin, izan ere horixe bera nahi dute, merkatuak bizitza izatea. Eta horretan dihartute, ekintza eta emanaldi desberdinak antolatuz.
Horietako bat gaur arratsaldean ospatuko da, Herrimamituz bertso emanaldi berezia, iluntzeko 19:00etatik aurrera, Merkatu Plaza bertan. Andoni Egaña eta Iñigo Mancisidor 'Mantxi' arituko dira azoka honetako hainbat istorio eta pasadizo bertso bihurtuko dituztelarik eta beraiekin batera, Xabier Alberdi historialaria. Pantaila handi bat jarriko da, argazki zaharrak proiektatuz eta bitartean, bertsolariek herriko pasarteak kontatu eta gai bihurtuk dituzte, «herrien mamia bertsoz azaleratzeko ariketa jolastia».
Historia eta pasarte ugari ditu Zarauzko Merkatuak. Agian, adinean aurrera doazen herritarrek batzuk entzun eta ezagutuko dituzte, baina, seguraski, gazteago direnek ez. Beraz, gonbita zabaltzen da emanaldira inguratu eta merkatuaren historia ezagu-tzeko bertso saio honetara.
¿Tienes una suscripción? Inicia sesión
