Zabalik dago Zarauzko 75. plaierotako izen-ematea hilaren 27ra bitartean

Hondartzako futbol txapelketak 75 urte beteko ditu. /  AMAXKAR
Hondartzako futbol txapelketak 75 urte beteko ditu. / AMAXKAR

GETARIA.

Zarauzko Hondartzako Futbol Txapelketak 75 urte beteko ditu laster hasiko den denboraldian eta urtero bezala getariar taldeak bertan egotea espero da.

Eskolarteko txapelketan Iturzaetako haurrak lehiatuko dute eta seniorretan izena emateko epea dagoeneko zabalik dago irailak 27ra bitartean. Azken urteetan gizonezko eta emakumezko taldeak izaten dira txapelketa honetan eta emaitza onak lortuz gainera. Mutilen Indaux taldea ligan nagusi izan zen baina gero final laurdenetako kanporaketa ezin izan zuten gainditu. Balearri Jatetxea - Elkano Arraindegia nesken taldea berriz final erdietan kanporatu zuten. Izena ematerakoan 350 euro ordaindu behar dira (fidantzako 90 barne). Mutilen taldeak gehienez 20 jokalari izango ditu eta gutxienez 11. Nesketan gehienez 18 eta gutxienez 9. Bilerak 29an egingo dira 11:00ak eta 12:00etan.

Contenido Patrocinado

Fotos

Vídeos