Txokoaldeko udal ekipamendu berria

2019ko irailean egin zuten Txokoalden auzoa biziberritzeko lehenengo bilera udal-gobernuak eta auzotarrek. Orduan erakutsitako borondateak bere horretan jarraitzen du: horren lekuko, asteartean egindako bilera. Garai batean Akerra gaztetxea izan zena udal-ekipamendu bihurtzen ari dira eta bere erabileraz, funtzionamenduaz eta auzo elkartea sortzeaz aritu ziren.

Aurreikuspenen arabera, hilabete barru buka daitezke lanak, azken txanpan baitaude bertako lanak. Bide batez, auzotarrek auzo ekipamenduko obrak barrutik ikusteko aukera izan zuten.