Martxan da OinHerri herri hezitzaileko Usurbilgo taldea

Udarregi ikastolako haur hezkuntzako ikasleek Pirritxek, Porrotxek eta Marimototsek Usurbili oparitutako zuhaitza landatu zuten atzo, hilerri zaharrean. Modu horretara, batetik, herriko eragileek haurrekin doluaren gaia lantzea dute helburu, eta, bestetik, herritarrek joan zaizkien senitartekoak eta lagunak oroitzeko eta beraiekin bizi izandako uneak gogoratzeko toki bat izatea. Datozen asteetan, Aginagan eta Zubietan gauza bera egingo dute, eskola txikietako ikasleekin.

Zuhaitzaren landaketa Usurbilgo OinHerri taldearen lehenengo ekintza izan da.