Udako lanpostuen deialdia egin berri du Udalak

Besteak beste, kanpiñerako zenbait lanpostu bete behar dira. / DV
Besteak beste, kanpiñerako zenbait lanpostu bete behar dira. / DV

Deialdian parte hartzeko langabetua eta Orion erroldatua izan behar da, eta eskabideak maiatzaren 8a bitarte aurkeztu behar dira

El Diario Vasco
EL DIARIO VASCO ORIO.

Udalak hainbat pertsona hartuko ditu lanerako uda honetan, eta deialdia egiten du lanpostu horiek betetzeko. Deialdian parte hartzeko, langabetua izan behar da eta Orion erroldatua(txu-txu trenaren gidari, udaltzain laguntzaile eta turismo bulegorako lanpostuetarako ezik), gutxienez 2019ko urtarrilaren 1az geroztik. Hartuko diren langileen kontratuak lan-zuzenbidezko erregimenean egingo dira, denboraldi baterako.

Bete nahi diren lanpostuak ondorengoak dira: kabinen garbitzailea (bi lanpostu); kanpineko komunen garbitzailea (lau lanpostu); udaltzain laguntzailea (lau lanpostu); Txu-Txu trenaren gidaria (lanpostu bat); kanpineko zaindaria (lanpostu bat), eta Turismo bulegorako harreragilea (lanpostu bat). Guztira, 13 lanpostu.

Udaleko aldizkako langile finkoren batek lanpostuari uko egiten badio, haren lanpostua ere gehituko zaio goiko zerrendari; eta Udalari aurreikusi gabeko premiaren bat sortzen bazaio ere, sortu daiteke beste lanposturen bat.

Eskabideak aurkezteko

Eskabideak udal bulegoetan aurkeztu behar dira, bertan emango den instantzia betez. Bulego orduak, astelehenetik ostiralera 8:30etatik 14:30era izando dira. Eskabideak maiatzaren 8ra bitarte aurkeztu behar dira.

Interesatuek udal-bulegoetan eska ditzakete deialdiaren oinarriak. Lanpostu horiek betetzeko probak 2019ko maiatzaren 11an egingo dira Orioko kultur etxeko areto nagusian, goizeko bederatzietan hasita. Ordutegi zehatzak www.orio.eus orrialdean argitaratuko dira. Kanpineko komunen garbitzailea lanpostuaren proba praktikoa 2019ko maiatzaren 18an egingo da, aldez aurretik adieraziko den orduan eta tokian.