Triatloiak eragina izango du trafikoan bi egunetan

GETARIA.

Biharko Triatloiak trafikoan eragina izango du gaur eta bihar. Gaurkoari dagokionez, portuan arratsaldean moila zahar eta berriaren arteko aparkalekurako sarrera itxiko da muntaiarekin hasteko. Errepideko norabide guztiak bestalde irekita egongo dira.

Bihar lasterketa eguna denez eragina nabarmena izango da. Portuan goizean zehar Malkorbeko sarrera itxita egongo da, Gaztetape berriz zabalik 15:30ak arte.

15:30ean portuko sarrera-irteera guztiak itxiko dira. Gaztetapekoa 17:40 bitartean itxita eta Malkorbekoak itxita bukatu arte. Kirol portuan, Malkorben eta Artzapen ibilgailuak ezingo dira mugitu 15:30etatik amaitu arte. Portu zaharrean, dike handian, Lojetan eta Gaztetape aldean ibilgailuak ezingo dira mugitu 15:30etatik 17:40etara.

Errepideei dagokionez, hauek dira eraginak: Zarautz eta Zumaia artean AP-8 autobidea erabiltzea gomendatzen da, Getarian trafiko pilaketak ekiditeko. Getariatik Zumaiara (N-634) zabalik -berdin Askizu eta San Prudentziotik ere- beti ere arretaz gidatuz, aurkako noranzkoan lasterketa dator. Gaztetape hondartzarako bidegurutzea Ertzaintzak kudeatuko du, lasterkarien sartu irtenak lehenetsiz eta babestuz bide-gurutzean. Trafikoa geratu egingo da puntualki, lasterkariak igarotzeko momentuan soilik.

Zumaiatik Getariara (N-634) itxita (16:00-17:30 bitartean): Zumaiatik Getariara, Zarautzetik bueltan (AP-8 gomendatzen da). Meagatik Zumaiara (GI-2633) itxita (16:15-17:30 bitartean). Zumaiatik Meagara zabalik, baina arretaz gidatuz, aurkako noranzkoan lasterketa dator. Zumaiatik Zarautzera (N-634) itxita (16:15-17:30 bitartean): AP-8 autobidea erabiltzea gomendatzen da. Zumaiatik Meagara (Oikiatik) zabalik baina arretaz gidatuz, aurkako noranzkoan lasterketa dator.

Meaga Zarautz (GI-2633) bi noranzkoak zabalik -Elkanorako bidegurutzera arte-. Getaria Zarautz (N-634) bi noranzkoak zabalik, arretaz gidatuz Getariako sarrera-irteeran. Askizu eta San Prudentziotik Getariara itxita (16:00-17:40). Getaria Meaga (GI-3391) itxita (16:00-17:15), berdin Balenziaga, Potzuaga, Magallanes, Akerregi, Erruera eta Eitzaga auzoan. Zarautzetik zabalik.

Autobus zerbitzuak ohiko ibilbidea eta ordutegia mantenduko du.