Trainerua gaur Donostian eta I. San Anton Bira zeharkaldia bihar Getarian

Zeharkaldiko kartela./
Zeharkaldiko kartela.

El Diario Vasco
EL DIARIO VASCOGETARIA.

Kirol zaleek zer ikusia badute asteburu honetan. Arrauna jarraitzen dutenek gaur goizean Donostiara joan besterik ez dute, eta igeriketa gogoko dutenek berriz bihar zeharkaldia izango dute.

KAE-1 Ligako seigarren estropada gaur goizeko 11:00etan hasiko da Donostian, X Bandera Kaiarriba-Aguas Alzola. Bigarren txandan lehiatuko dute getariarrek eta azken estropadetan izandako bilakaerarekin jarraitzen badute txandan nagusitzea izango da euren helburua.

Bihar berriz, igeriketa zeharkaldi bat ospatuko da Getarian. Getaitri Triatloi Kluba eta Zarautz Balea Igeriketa Kirol Elkarteak antolatu dute lehenengo aldiz San Anton Bira. Goizeko 11:00etan emango zaio hasiera Gaztetape hondartzatik, eta 2.600 metro egin ondoren, Malkorbeko hondartzan amaituko da. Neoprenorik eta ordularirik gabe egin beharko da.