Soroperi egun eder eta borobila Zestoan

Baserriko produktuak presente izaten dira Soroperian./
Baserriko produktuak presente izaten dira Soroperian.

K. ARRIZABALAGA ZESTOA

. Eguraldia lagun, S/Zoroperi egunean jai giro bikaina izan genuen, herritarren jai gose eta kale giro aparta tarteko. Gauza on asko ikusi genituen beste behin egun honetan; esate baterako, urtero legez barazki eta bestelako postuetako kideen prestasuna plaza goiz goizetik dotore eta prest egon zedin, herritarren jai giroa, trikiti eta txistulari taldeen lan isila, jende ugari baserritar jantzi dotoreez apainduta, gaztetxoentzako ekitaldiak, bertsolariak, abar eta abar,

Guzi honetaz gain, baserri giro aparta izaten duen egun hau aprobetxatuz, Agustin Ostolaza Arroako harri-jasotzaile handiaren inguruan argitaratu berri den liburuaren aurkezpena egin zen udaletxeko aretoan.

Bertan izan genituen, Agustin Ostolaza , Zestoako alkatea den Josetxo Mendizabal, Gipuzkoako herri kirolen presidentea, Caja Laboraleko Igor Otaegi eta liburuaren egileak, Alvaro Bermejo eta Joseba Urretabizkaia.

Sari banaketak

Azkenik, egun honetan baserri munduko produktuen inguruko hainbat lehiaketa izaten dira, eta hauek izan ziren garaileak: XXIX. Barazki eta Fruta Lehiaketa; Lehenengo saria barazkietan: Ezozi Etxeberria Irusta (Aritzaga baserria, Soraluze).

Lehenengo saria fruitutan: Jose Antonio Elosegi (Oñatibitxiki baserria, Gabiria). Honek, gainera, Errezil sagar onenaren saria ere eskuratu du. XXI. Urolako Ezti Lehiaketa: 1.go saria: Lehen saria: Ekiñe Eizagirre (Aizarna);bigarren saria: Antonio Irureta (Zestoa); hirugarren saria: Jose Luis Alberdi (Zestoa).

XX. Gazta Lehiaketan: 1.go saria, Sorabilberri baserria (Aizarna) 2., Arbe baserria (Altzolarats)

XX. Sagardo Lehiaketan: 1.go saria Larratzabalbekoa baserria (Arroa); 2.go saria, Alberdikoa (Lasao); 3.goa, Igartza baserria (Arroa).