Saritu dituzte Literatur lehiaketako irabazleak

Irabazleak elkarrekin, sari banaketaren ekitaldia amaitu zenean. /  AMAXKAR
Irabazleak elkarrekin, sari banaketaren ekitaldia amaitu zenean. / AMAXKAR

18. edizio honetan 81 ipuin eta 7 olerki/bertso aurkeztu dituzte

J.M. ZUBIAURRE GETARIA.

Ostiralean udaletxean banatu ziren XVIII. Literatur Lehiaketaren sariak. Denera 88 lan aurkeztu dira ipuin eta olerki edo bertsoen artean. Epaimahaia honako hauek osatu zuten: Nagore Etxabe (Iturzaetako zuzendaria), Nerea Kamio (Artzape Euskara Elkartea), Begoña Alberdi (Katukale Irakurle Taldea), Gorka Arrese (Udal Liburutegiko liburuzaina), Amets Etxabe (udaleko euskara batzordeburua) eta Erun Ortiz idazkari gisa.

Aurtengo irabazleen zerrenda eta euren lanen izenburua jarraian. LH2 ipuina; Lur Elorrieta (Lur-ek bihotza galdu du). LH3 ipuina; Julene Basurto (Nire Lehen aldia hegazkinean). LH4 ipuina; Peru Irazu (Ilargira joan nahi dut). LH5 ipuina; Eneko Aristorena (Gertakari arraroak herrian). Olerki/bertsoa; Argiñe San Martin eta Ekhiñe Kerexeta (Bertxo kantari). LH5 ipuina; Eneko Perez (Ibaien bidaia). 12-14 urte ipuina; Ioritz Olaskoaga (Aske, libre). Olerki/bertsoa; Amets Aizpurua (Usadio berria). 14-16 urte ipuina; Aingerua Aizpurua (Hau da gure mundua). Helduak ipuina; Ane Azkue (Egiaren sorginkeria). Olerki/bertsoa; Ximon Aranguren eta Saioa Martinez de Lahidalga.