Ortzaika auzoan, gaurtik aurrera Sanmartinak

Herri kirolak, ezin falta./
Herri kirolak, ezin falta.

El Diario Vasco
EL DIARIO VASCO ORIO.

Ortzaika auzoak asteburu honetan hasita Sanmartinak ospa- tzen ditu. Atzo zabaldu zen egitaraua, neska-mutil Ardoko afariarekin. Gaur, berriz, arratsaldeko 17:00tan ume-jolasak izango dira, Nikonok pailazoaren ikuskizuna eta txokolatada. Iluntzean, erromeri-afaria Lizaso eta Sarriegi bertsolariekin eta Ansorregi eta Larrañaga trikitilariekin.

Egitarauak bihar jarraituko du goizeko 10:30tan San Martin ermitan ospatuko den mezarekin. Ondoren, hamaiketakoa eskainiko da Oliden jatetxean Agin Laburu eta Nerea Elustondo bertsolariekin. Arratsaldean auzoko bi talderen arteko desafioa. 17:00etan estropada, eta 18:00etan herri-kirol norgehiagoka eta segidan, berbena Izer eta Alabier trikitilariekin.

Festek jarraipena datorren asteburuan izango dute. Ostiralean, gaueko 22:30tan mus txapelketa iragartzen da; 23:30 etatik aurrera Bide Batez taldearekin erromeria eta gaueko 01:30tan, DJ Aros. Larunbatean oilasko biltzea egingo dute eta gauean bildutakoarekin afaria, eta amaitzeko, hilak 18, igandean, eguerdian herri kirol saioa izango dute bertaratzen direnek. Aizkoran Arrillatarrak eta harri-jasotzen Ostolazaren Eskolako kideak.

Contenido Patrocinado

Fotos

Vídeos