Orioko eguneko zentroa ireki zenetik 15 urte bete dira

Eguneko zentroko langile eta erabiltzaileak ostiraleko ekitaldian./
Eguneko zentroko langile eta erabiltzaileak ostiraleko ekitaldian.

El Diario Vasco
EL DIARIO VASCOORIO.

Pasa den ostiralean, uztailak 19, 15 urtebete ziren Orioko eguneko zentroa ireki zela eta ekitaldi xume bat egin zuten bertan, urteurrena ospatzeko. Azkenengo 15 urteotan makina bat familiari eman dio zerbitzua eguneko zentroak eta egindako ibilbide hori ekarri zuten gogora ekitaldian. Bertan izan ziren zentroko langile eta erabiltzaileak eta Udaleko alderdi guztietako ordezkariak.

Zaintza-lanaren garrantzia

Anuska Esnal alkateak azpimarratu nahi izan zuen ekitaldian horrelako zentroek jokatzen duten papera. «Pertsonak jarri behar ditugu erdigunean: gure aiton-amonak, beren familiak, haiekin lanean ari diren langileak... Zaintza-lana herri zoriontsuago baten zutabea da. Zaintza dezagun zaintza!», adierazi zuen Esnalek.