Orio

Sanpedrotako herri bazkariko txartelak eskuragarri daude

Gero eta gutxiago falta da aurtengo San Pedro festetarako. Aurten, ekainaren 28a, Arrantzale eta Harrotasunaren Eguna izango da, eta egun horretako egitarauaren barruan, herri bazkaria egingo da Herriko Plazan. Bazkaritarako txartelak atzo bertan jarri ziren salgai turismo-bulegoan. Hiru menu desberdin izango dira aukeran. Lehen menua: entsalada mistoa, baserriko oilaskoa parrilan, txerri saiheskiak parrilan eta Eceizako pasteltxoak; ogia, kafea eta edaria, 21 euro.

Bigarren menua: entsalada mistoa, barazki menestra, lasagna beganoa eta fruta, ogia, kafea eta edaria, 21 euro.

Hirugarren menua (haurrak): iberikoak, urdaiazpiko kroketak, baserriko oilaskoa parrilan patatekin eta helatua, ogia eta edaria, 14 euro.

Pertsonako bost txartel erosteko aukera izango da gehienez. Eguraldi oso txarra egingo balu, herri bazkaria frontoian egingo litzateke.