Orio

Sahararren erakusketaren azken eguna, gaur

Gaur izango da azken eguna Saharako erakusketa bisitatzeko, sahararren eguneroko bizimodua erakusten duen erakusketa da kultur etxekoa.

Erakusketak garrantzi handiko helburua du sahararrentzat: aldarrikatu nahi dute saharar herria bizirik dagoela, haien herrian indarrez sartu direnek ez dutela lortu sahararrei beren nortasuna lapurtzerik. Bizi dira eta, bizi direnez, hango bizimodua nolakoa den erakutsi nahi dute, haien kultur ondarea: non bizi diren, haimak, zer eta nola jaten duten, nolako arropekin janzten diren, haurrak nola jolasten diren, erlijioa nola bizi duten...

Erakusketa saharar herriaren kulturari bizirik eusteko bitarteko bat ere bada, kultur ekintza bat. Azken egun honetan, 10:00-13:00era eta arratsaldez 16:00etatik 19:30era bisitatu daiteke.