Orio

Orio Arraunketa Elkarteko ordezkaritza Castrelo de Miñon, Ourensen

Asteburu potentea Orio Arraunketa Elkarteko arraunlarientzat. Batetik, Castrelo de Miñon (Ourense), arraunketa olinpikoko Espainiako Iraupen Txapelketa jokatuko da. Gaur goizetik, ontzi motzek lehiatuko dute, bat eta bi arraunlarikoek. Bertan, Estatu osoko 56 elkarteek hartuko dute parte, 375 ontzi guztira eta oriotarrek 16 ontzi aurkeztuko dituzte, horietatik, 7 ontzi kadete mailakoak dira, 8 ontzi jubenilak eta beste bat absolutoa.

Bestalde, gaur arratsaldez eta bihar goizez, baita ere Castrelo de Miñon, selekzio autonomikoen arteko Espainiako Txapelketak burutuko dira, kasu honetan, ontzi luzeak, lau eta zortzi arraunlarikoak. Guztira 9 komunitate autonomikoek hartzen dute parte, 105 ontzik. Dozena bat arraunlari oriotar daude hautatuta Euskadiko selekzioko ontzi ezberdinetan arraunean egiteko.