Orio

Giro bikaina atzokoan, ekimen desberdinekin

Eguraldi ederra eta giro bikaina atzo goiz eta eguerdi partean Herriko Plaza eta inguruetan, Orioko Herri Ikastolak, Orioko Euskaraldiaren batzordeak eta Harribil dantza taldeak antolatutako ekimenekin. Batetik, Herri Ikastolak bere aste kulturalaren barne antolatutako kantu-jirarekin. Bestetik, Euskaraldiaren batzordeak bere hamalaukoa aurkeztu zuen, herriko talde eta elkarte desberdinetako ordezkarien hautuarekin eta, era berean, Harribil dantza taldeak bere 30 urteurrenaren ospakizuna egin zuen, trikipoteoa eta ondorengo bazkariarekin.