Orio

'Gelatik Plazara' bertso saioa, gaur kultur etxean

Gaur, 'Gelatik plazara' bertso-saioa egingo dute Urola Kostako LH4tik LH6ra bitarteko bertsolari gazteek, kultur etxeko areto nagusian, 17:30ean. Aizarnazabaleko, Zumaiako, Zarautzeko eta Orioko bertso-eskolako gaztetxoak izango dira kantuan eta Orioko Errikotxia elkartearen ordezkariak ondokoak izango dira: Eñaut Amenabar eta Haizea Gurrutxaga.

Arratsaldeko saioan puntu gehien biltzen dituen taldea martxoaren 30ean Lazkaon egingo den Bertso Eskolen Eguneko finalerako sailkatuko da.

LHkoen saioaren segidan, bertso-merienda antolatu du Errikotxiak Balea elkartean eta hor DBHkoek egingo dute bertsotan, entrenamendu gisa: Errikotxiatik Malen Gurrutxaga izango da kantuan, Zumaiako Maren Iruretagoiena eta Maia Senosiainekin taldea osatuz.