Orio

Danbolin Musika eta Dantza Eskolako ikasleen dantza ekitaldia

Bihar, igandea, egingo dute urteko dantza-ekitaldia Danbolin Musika eta Dantza Eskolako ikasleek. Ohi bezala, Karela kiroldegian izango da, baina emanaldi jendetsua izaten denez, saioa bitan banatzea erabaki dute antolatzaileek: 13:00etan izango da lehen txanda, eta bigarrena 17:00etan.

Lehenengoan 4 eta 6 urte arteko 77 ikaslek hartuko dute parte, eta euskara oinarri hartuta prestatu dituzten koreografiak egingo dituzte. Ondoren, 17:00etan, 7 eta 13 urte arteko 119 dantzari aterako dira eszenatokira, euskal dantzak eta bestelako koreografiak interpretatzera. Eskolako instrumentuko ikasle eta irakasleak ere arituko dira, dantzei erritmoa jartzeko.

Harribil dantza-taldeak ere parte hartuko du ekitaldian gonbidatu gisa. Dantzarien guraso eta familiartekoak gonbidatuta geratzen dia, herritar guztien antzera.