Orio nagusitu zen trainerillen Antxua Bandera estropadan

Prestatzen. Trainerilla uretan sartzen zuten unea. /  AMAXKAR
Prestatzen. Trainerilla uretan sartzen zuten unea. / AMAXKAR

Gipuzkoako trainerillen Ligako 3. jardunaldia lehiatu zen Getarian

JUAN MARI ZUBIAURRE GETARIA.

Antxua Egunaren inguruan urtero trainerillen estropada izaten da Getariako uretan. Festa giroan asteburua igarotzen zen bitartean, arraunlariak lanera atera ziren eta hiru mailetan banatuta saio ederrak ikusi ziren igande eguerdian.

Getariako Arraun Elkarteak hiru ontzi atera zituen jardunaldi honetan. Emakumezkoena bat eta gizonezkoenak bi. Lehendabizi gazte mailako hiru ontzi lehiatu ziren eta San Juan izan zen bizkorrena. Ondoren senior mailako estropadak etorriko ziren eta hauetan Orioko trainerillak izan ziren onenak.

Emakumezkoetan nesken getariar ontzia bosgarren sailkatu zen Oriotik 1:12ra, atzetik beste lau trainerilla utzita. Senior gizonezkoetan, Federazio Kopan Getaria B ontziak laugarren amaitu zuen Oriotik 1:14ra. Azkenik trainerilla Ligako estropadan Getaria A ontzia bosgarren sailkatu zen, Oriotik 59 segundotara. Datorren asteburuan beste bi jardunaldi izango dituzte, lehenengoa larunbatean 17:00etan Donostian, eta igandean Zarauzko uretan 11:00etan.