Mushing-ak eta mendiko film emanaldiak Endoian

Sarrionandia, adina oztopo ez denaren adibide. / K.A.
Sarrionandia, adina oztopo ez denaren adibide. / K.A.

Txakurren ikuskizuna bertan behera gelditu zen bero gehiegi egiten baitzuen

K. ARRIZABALAGA ZESTOA.

Eguraldia lagun, mendi zaleek gogotik erantzun zioten Endoian egin zuten mendi ikuskizun apustuari. Txakurrak eta lerak, mendia eta adina, gogortasuna eta epika, zuzeneko aukera mushing, lerak eta mundu hau hobeto ezagutzeko... Guzti hau eta gehiago bizi izan zen pasa den ostiralean Endoia auzoan, ekimen xume bezain gozagarri bat osatuz.

Lehenengo txakurrak eta lerak zuzenean ikusi ahal izan ziren, eguraldia epel zegoelako zuzeneko ikuskizuna bertan behera gelditu zen arren (15 gradutik behera behar du izan txakurrak arriskuan ez izateko).

Filmak

Segidan, mokadutxo bat egin ostean, filmeen txanda heldu zen, zenbait protagonista bertan izan zirelarik. Horrela, bertako elizatxo ikusgarrian, Irene Sarrionandia protagonista duen 'Aurrera' filma, Mikel Irure zestoarra protagonista duen 'Expedition Mongolie en Traineau 2003' filma eta 'The Great Alone' txakurrak, eta mushing-ak protagonista dituen filma ederraz gozatu ahal izan zuten eliza goitik behera bete zuten zaleek. Sarrionaindia eta Irure bertan izan ziren zenbait azalpen eta anekdota kontatuz.

Paraje eder bateko gune berezi batean zerbait desberdina eskaini zuten, eta merezi izan zuen .

Contenido Patrocinado

Fotos

Vídeos