Marlik eta Nogen taldeen kontzertua

Txistulariak eta dantzariak. Atzo arratsaldeko sokadantza eskaini aurretik. / ETXEBERRIA
Txistulariak eta dantzariak. Atzo arratsaldeko sokadantza eskaini aurretik. / ETXEBERRIA

Atzokoan emanaldi ederra Jodedera eta Salatxok eguerdian eskaini zutena

El Diario Vasco
EL DIARIO VASCO ORIO.

Sanpedro jaien azken bi egunak. Gaurkoari dagokionez, goizeko 11:30ean, Esperientziaren eskolakoek taloak prestatuko dituzte herriko plazan. Goiz eta eguerdi partean euskal ezkontza, eta arratsaldeari dagokionez, 18:00etan buruhandiak aterako dira, eta 18:30ean, erromeria plazan Elortza eta Larrañaga trikitilariekin. Gauean berriz, 23:00etan Zumaiako Marlik rock musika taldea izango da, eta gauerditik aurrera, Nogen musika taldea. Hauek donostiarrak dira eta folk-pop egiten dute, euskarazko eta ingelesezko doinuak nahastuz, eta ukelele, gitarra, baxu, bateria eta ahotsekin jokatuz. Egunekoarekin amaitzeko, The Manaty Toys DJ lanetan.

Biharkoak ere aurreratzen ditugu, izan ere goizeko 09:00etatik aurrera umeen eta helduen arteko 3x3 futbol txapelketa izango da egun osoan Mendibeltz zelaian, Zaragueta eskolak antolatuta. Eguerdian berriz, 12:00etan, Michael Jacksoni omenaldia Estudio WMren eskutik herriko plazan. Arratsaldez, 17:00etan, Sanpedrotako haurren eskuzko pilota txapelketako finalak, emakume nagusien gomazko paleta partida, eta sanpedrotako gizonezkoen gomazko paleta txapelketa herrikoiaren finala.

Atzokoari dagokionez, meza nagusi ederraren ondoren, La Jodederak eta Salatxo abesbatzak emanaldi bikaina eskaini zuten eta entzulegoa oso gustora egon zen plazan. Arratsaldeko trikitixa txapelketari dagokionez, zortzi bikoteren artean Zumarragako Andoni Oruesagasti eta Uxue Kerejeta izan ziren irabazleak 65 punturekin; bigarren Hernaniko Eider eta Lierni Tolosa 61,25 punturekin eta hirugarrenak Ane Etxezarreta (Olaberria) eta Sara Iriarte (Villabona) 60,5 punturekin.

Harribileko dantzariek dantza saioa eskaini zuten plazan, eta ordu berean Oarsoaldeko Elektrotxufla elektrotxarangak kaleak ederki girotu zituen.

Contenido Patrocinado

Fotos

Vídeos