Lourdes Salsamendi izango da EAJ-ren alkatetzarako hautagaia

Lourdes Salsamendi azken 7 urteetan udaleko zinegotzia da./
Lourdes Salsamendi azken 7 urteetan udaleko zinegotzia da.

Hala aukeratu dute EAJko afiliatuek 2019ko maiatzeko udal hauteskundeetarako, Jose Angel Zaldua ordezkatuz

El Diario Vasco
EL DIARIO VASCO ORIO.

Orioko EAJko afiliatuek Lourdes Salsamendi Goñi aukeratu dute alderdiaren zerrendaburua izateko 2019ko maiatzean egingo diren udal hauteskundeetan.

Agintaldi honen amaieran zortzi urte beteko ditu Lourdesek udaletxean zinegotzi lanetan. Hurrengo egunetan aurkezpen ofiziala egingo dute eta xehetasun gehiago emango dituzte, baina aurreratu dezakegu, Lourdes Salsamendi izan dela aukeratua.

Era honetara egungo alkatea den Jose Angel Zaldua ordezkatuko du zerrendaburu bezala. Azpimarra-tzekoa, azken legealdietan ez bezala, emakume bat izango duela listetan lehena EAJ-PNV-ek.

Lourdes Salsamendik, legealdi honetan Kultura, Turismo eta Euskera arloetako ardura du. Emakume langilea, udaletxeko mugimendua ondo ezagutzen du eta herri eragileekin harreman zuzena duena.

Oraingoz, EAJ-aren asmoa bakarrik dakigu. Gainontzeko alderdiek oraindik ezertxoere ez dute esan datorren urteko maiatzean egingo diren udal hauteskundeei begira.

Contenido Patrocinado

Fotos

Vídeos