«LOS40k izan duen oihartzuna handia izan da»

Jendetza bildu zuen LOS40ak./
Jendetza bildu zuen LOS40ak.

«Herriko taldekin ere jaialdiak antolatu daitezke», dio Lourdes Salsamendi zinegotziak

El Diario Vasco
EL DIARIO VASCO ORIO.

Lourdes Salsamendi Kultura eta Turismo zinegotziari «oso interesgarri iruditzen zaio LOS40 bezalako ekitaldiak antolatzea Orion». Dioenez, ekitaldi honen kostua handia da Udalak bakarrik antolatzeko, «horregatik iruditzen zait ostalariek eta merkatariek bat egin behar dutela Udalarekin honelako ekintzak burutzeko».

Eta gai hau bideratzeko, irizpide batzuk proposatzen ditu: «kokapena denon artean adostea; euskara bermatzea, bai musika aldetik eta bai publizitate aldetik; herriko taldeek nahiko balute honelako ekintzetan parte hartzea plataforma gisa ona izan baitaideke beraientzat; bestalde, beste jaialdi mota batzuk ere antolatu daitezkela iruditzen zait eta guztien artean landu, adibidez, indar gehiago duen Orio rock bat antolatu, hau da LOS40rako bideratu den dirua beste formato honetarako erabiltzea». Dioenez, «aukera hau niri pertsonalki asko gustatzen zait, jarraipen bat eduki dezakelako datozen urteetan».

Bukatzeko, Lourdesen iritziz, «LOS40k duen oihartzuna herriarentzako ona da, bildu zen jendetza ikusi besterik ez dago».

Contenido Patrocinado

Fotos

Vídeos