LEOK´K musika taldeak 50. urteurrena ospatzeko diskoa kaleratuko du

Irailaren 1ean, Zestoan, aurkeztuko dute 'Infinituari segika' izeneko disko berria

K. ARRIZABALAGA ZESTOA.

Zestoako LEOK'k musika taldeak 50 urte bete ditu aurten eta mende erdiko musika ibilbidea ospatzeko 'Infinituari segika' izeneko hirugarren diskoa kaleratuko du.

Diskoaren grabaketa, ekoizpena eta edizio gastuak ordaindu ahal izateko finantzaketa kolektiboa jarri du martxan Zestoako musika taldeak. 'Infinituari segika' diskoaren salmentekin eta kon-tzertuekin ateratako irabaziak Saharako Emakumeen Nazio Batasuna (SENB) erakundea diruz laguntzera bideratuko dituzte.

«Horrelako proiektuak gorpuztu ahal izateko ezinbestekoa izan ohi da lagunen inplikazioa eta laguntza, eta kasu honetan hala gertatu da» diote musika taldeko kideek. Beraz, www.verkami.com atarian lagundu daiteke diruz. Kopuruaren arabera -6, 20, 40, 60, 80 euro...- opari desberdinak jasoko dira, hau da, hasi CD batetik, eta segi gehitzen taldeko poster bat, CD gehiago, Ekainberrirako sarrerak, eta abar. Informazio zehatzagoa verkami crowdfunding web atarian.

Paelladarako tiket salmenta

Jada askok jakingo duzuen bezala, aurten koadrila arteko paellada lehiaketa eta bazkaria irailak 7, ostirala, egingo da. Hau antola-tzen ari den lagun taldeak gaur bertan, osteguna, jarriko ditu salgai tiketak -5 eurotan- arratsaldeko 19:00etan, kultur etxean.

Contenido Patrocinado

Fotos

Vídeos