Keta Babyautoko futbol taldea Mendibeltzen eta saskibaloikoa Sahatsagan

GETARIA.

Kirol zaleak aukera bikoitza dute gaur arratsaldean. 16:00etan Mendibeltz futbol zelaian Getariako Ketak Oñatiko Aloña Mendi taldea hartuko du. Partida honekin Iñaki Azpitarteren mutilak bigarren itzuliari hasiera emango diote. Ligako estreinuan golik gabe berdindu zuten partida baina 2018ko azken partidan lortutako gol zaparradak indar berriak emango zizkion getariar taldeari eta garaipenaren bila aterako dira, lehen itzulian eskuratutako berdinketa kopurua handia izan zen, zortzi, eta bigarrenean hiru puntuko partida gehiago lortu nahi dituzte. Sharks Babyauto saskibaloiko taldeak 18:00etan jokatuko du Sahatsagan BKL-ren aurka . Zortzi partida jokatu eta irabazi dituzte eta berdin jarraitu nahi dute.