'Irazkia eta bilbea' familientzako tailerra irailak 23an Museoan

Familian. Jolastu eta ikasi./
Familian. Jolastu eta ikasi.

6 eta 12 urte bitarteko umeak dituzten familiei zuzendua dago eta izena emateko epean hilaren 21ean bukatzen da

El Diario Vasco
EL DIARIO VASCO GETARIA.

Ehunak ulertzea eta etengabe arakatzea funtsezkoa da Balenciagaren obran. Datorren hilak 23an Jarduerak Familian ekimenaren barne tailer bat egingo da Cristóbal Balenciaga Museoan. Jarduera honek hurbilketa bat proposatuko du, zoom eran, ehun-gaira, begizta-lanen bitartez sorkuntzak eratuz. Parte-hartzaileek jantziak sortuko dituzte, irazkiak eta bilbeak lotuz, ehuntze-prozesu bat balitz legez.

Ordutegia goizez izango da, 11:00etatik 13:00etara. 6 eta 12 urte bitarteko umeak dituzten familiei zuzendua dago eta bi hizkuntzetan emango da (euskara/gaztelania). Prezioari dagokionez, 5 euro ordaindu behar dituzte umeek eta 7 euro helduek. Familientzako tailer honek 'Irazkia eta bilbea' izenburua darama eta Maushauss izango da irakaslea. Maushaus hezkuntza artistiko-teknikoko proiektu bat da, eta umeei eta gazteei zuzendutako artearen eta arkitekturaren gaineko eduki pedagogikoak sortzen ditu. Ideien laborategi horrek hiriko arkitekturarekiko eta lengoaiarekiko loturak sortzen ditu, osagaiak aztertuz. Askotariko ekimenen bitartez, Maushausek espazioarekiko jakin-mina piztu nahi du ume eta gazteengan. Hala, inguru arkitektonikoa bizitzaren eszenatokitzat hartzea nahi dute.

Izena emateko epea tailerraren aurreko ostiralera arte egongo da zabalik (hilaren 21a). Plaza mugatuak dira beraz izena ematea beharrezkoa izango da.Informazioa eta erreserbak posta elektroniko honetan didaktika@cristobalbalenciagamuseoa.com edo 943 00 88 40 telefono zenbakian.

Contenido Patrocinado

Fotos

Vídeos