Costa Urola

Iraeta eta Zumaia arteko errepidea itxita Gervaisen eta Joxe Larrararteren oroimenezko probengatik

Gaur arratsaldean, 18:15etik 20:45era, Gervaisen eta Joxe Larrararteren oroimenezko probak, Gipuzkoako erlojupeko txapelketak jokatuko dira, junior eta elite mailan hurrenez hurren. Ibilbidea honako izango da: Aizarnazabal, Iraeta, Aizarnazabal-Muniosoro, Bedua, Zumaiako errotonda, Muniosoro eta Aizarnazabal.

Ondorioz, Iraeta eta Zumaia arteko errepidea itxita mantenduko da, eta ibilgailuek Ibañarrietatik joan beharko dute.

Bihar San Kristobal Txiki eguna dela eta, arratsaldeko 17:30ean meza ospatuko dute Saiatzeko San Kristobal ermitan. Ondoren, mokadutxoa eskainiko dute plazara hurbiltzen diren guztientzat.

TEK-Aizarnazabal Komunitatearen bazkideak deitu dituzte bihar arratsaldeko 19:00etan, Lauburuko proiekzio gelan izango den bilerara.

Bestalde, iraileko Samiel jaiak antolatzeko bilera egingo dute ostegunean, 18:00etan, Lauburuko bilera gelan.