Igerileku txikia handitzeko lanak Mariezcurrena enpresak egingo ditu

Oiardo kiroldegian laka hilaren bukaeran astea aurreikusten dute/
Oiardo kiroldegian laka hilaren bukaeran astea aurreikusten dute

Sei hilabetetan amaitu beharko ditu lanak. 767.642,76 euroko inbertsioa egingo da

J. ARANBERRI USURBIL.

Oiardo Kiroldegiko igerileku txikia handitu eta irisgarri egiteko lanak Mariezcurrena enpresari esleituko dizkio Udalak. Egun gutxi barru sinatuko dute kontratua, eta, dena ondo bidean, iraila amaieran lanei ekitea aurreikusten da. Bitartean, igerilekuak irekita jarraituko du. Obrak sei hilabete iraungo du, eta 768.000 euroko kostua izango du. Aurreikusi baino hiru hilabete beranduago hasiko dira Oiardo kiroldegiko igerileku txikia handitzeko obrak. Lanak esleitzeko lehen deialdira ez zen enpresarik aurkeztu, eta horrek atzeratu du prozesu guztia.

Deialdian hainbat aldaketa egin eta gero, bigarrengo deialdira bi enpresa aurkeztu ziren. Hala, Construcciones Mariezcurrena SL enpresari adjudikatuko zaizkio lanak. Egun gutxi barru sinatuko dute kontratua Udalak eta enpresak, eta, dena ondo bidean, irailaren amaieran obrei ekitea aurreikusten da. Sei hilabetetan amaitu beharko ditu lanak, eta Udalak 767.642,76 euroko inbertsioa egingo du. 2018ko aurrekontuetako inbertsiorik garrantzitsuena da. Proiektu honek Gipuzkoako Foru Aldundiaren diru-laguntza jasoko du.

Lan horien ondorioz, nabarmen hobetuko dira igerilekua eta azpiegiturak. Alde batetik, igerileku txikia handitu egingo da eta irisgarri egin: batetik, igerilekura sartzeko koska kendu egingo da, muga handia baita elbarritasunen bat dutenentzat, eta igerileku handiaren maila berean jarriko da; eta, bestetik, kiroldegiko sarrerari zati bat kenduta, handitu egingo da nabarmen. Halaber, lan horiek baliatuko dira, ikusten ez den eta igerilekuaren azpian dauden instalakuntza guztiak berritzeko (tuberiak, kalderak, berogailuak...). Premia handia dute horretarako.

Ikastaroak

Lanok hasi bitartean, irailean, igerilekua irekita egongo da. Edonola ere, uretako ikastaroak obrak amaitu eta gero jarriko dira martxan. Hau da, gutxi gorabehera, martxoa aldera. 2018/2019 ikasturterako gainerako ikastaroen eskaintza jada osatu du kiroldegiak, eta irailaren 17tik 21era ikastaroak probatu ahal izateko ate irekiak egingo dira musutruk.

Contenido Patrocinado

Fotos

Vídeos