Costa Urola

Idien inguruan hainbat jarduera antolatu dira asteburu osoan Aian

Idi-eguna ospatzen du Aiak asteburu honetan, idien inguruan hainbat aktibitate egingo direlarik. Honela, bihar, larunbata, arratsaldeko 18:00etan idi-perratze erakustaldia, Joseba 'Sanson'-en eskutik, probalekuan. Ondoren, 21:00etan, idi-afaria egingo da probalekuan, Joan den urtean arrakasta handia izan zuen eta aurtengoan ere menua oso konpletoa izango da, tiketa, 40 eurotan, aurrez hartu behar delarik.

Igandeko egitaraua, artisau azokarekin zabalduko da 11:00etan, 18 postu izango direlarik plazan. Goizean zehar idi erakusketa aparkalekuan, idi-parea guardiarekin herrian zehar ibiliko delarik. Era berean, herriko lau tabernek idi-pintxoak eskainiko dituzte eta 13:00etan idi-proba erakustaldia egingo da Azkueko zelaian, Kantabriar erara.