Hiru asteko atsedena izan ondoren gaur itzuliko dira futbitoko norgehiagokak

Itzuli da. Futbito lehiaketa asteburuan jokatuko da. /  AMAXKAR
Itzuli da. Futbito lehiaketa asteburuan jokatuko da. / AMAXKAR

El Diario Vasco
EL DIARIO VASCO GETARIA.

Gaur eta igandean IX. Floren Memoriala futbito txapelketak jardunaldi berria jarriko du jokoan, hiru astetako atsedena izan ondoren. Aste Santua tartean zegoenez lehiaketari eten bat egitea erabaki zuen antolakuntzak eta asteburu honetan 8. jardunaldia jokatuko da.

Jardunaldi honetan partida hauek jokatuko dira; gaur, Elkano- Izarri (21:00etan eta epailea Xaguk jarrita), Xagu-Txoko (22:00etan eta epailea Kaia/Kaipek jarrita), eta Kaia/Kaipe-Balearri (23:00etan eta epailea Txokok jarrita). Igandean, Haitze-Giroa (11:00etan eta epailea Iribarrek jarrita) eta Astillero-Iribar (12:00etan eta epailea Haitzek jarrita). Sailkapenean 16 punturekin Iribar eta Txoko daude. Ondoren 15 punturekin, Giroa eta Haitze. Bosgarren tokira igo da Balearri eta 13 puntu batzen ditu une honetan.