Costa Urola

Herri kiroletako errekor saiakerak izango dira gaur arratsaldean plazan

Gaur arratsaldeko 18:30etik aurrera herri kiroletako errekor saiakerak egingo dira Aizarnazabalgo plazan. Sarrera librea izango da, eta hauek hartuko dute parte: Estefanía Etxebeste, Joseba Ostolazaren harri-eskolakoa, 100 kiloko Kopa minutu batean jasoaldiak egin beharko ditu; Xabier Aranburu 'Guzta', Xiete harria 5 minutuan; eta Gari Garmendia, 251 kiloko errektangularra hiru minutuan. Aizkolari eta harrijasotzaileek hartuko dute parte jaialdian.

Ikastaro eskaintza hauek daude Aizarnazabalen: Crostraining Ikastaroa irailetik ekainera eskainiko da, astean bitan, astearte eta ostegunetan 19:00etatik 21:00etara. Parte hartu nahi dutenek 629.716415 (Ruben) telefonora deituta eman dezakete izena.

Zumba klaseak urritik aurrera eskainiko dira Bittorrekin; printzipioz, asteartetan izango dira, 18:00etan. Izena eman nahi duenak 690.288051 telefonora deitu edo WhatsApp bat bidali dezake.

Alaitsu Musika eta Dantza Eskolaren ikasturte berrian izena emateko epea ekainaren 20an amaituko da. Informazio gehiago jasotzeko: alaitsu.musikadantzaeskola@gmail.com edo liburutegia@aizarnazabal.eus.