Herri kirolek agurtu zuten San Anton

San Anton eguna gehienek Getariako Txakolinarem aurkezpenarekin lotzen dute eta bere garrantzia du, noski, baina bestelako ekitaldiak ere izan ziren festa egun nagusian eta hauen artean arratsaldean ospatutako herri kirol jaialdia aipatu behar. Harrijasotzaile eta aizkolari talde polita elkartu zen frontoiko karpa azpian eta emanaldi polita eskaini. Esatariak ere bere grazia azaldu zuen berriro ere, Lertxundi jaunak eta denen artean emanaldi erakargarria borobildu zuten.

Dena den ez ahaztu oraindik festen egitarauak azken saio bat iragartzen duela. Igandean izango da Udal Bandaren eskutik, 12:30ean elizan kontzertua emango dute.