Guztiok 1! parte-hartze prozesua abian jarri dute urriaren 30a bitartean

Guztiok 1!. Parte-hartze bilera udal aretoan. /  AMAXKAR
Guztiok 1!. Parte-hartze bilera udal aretoan. / AMAXKAR

J.M. ZUBIAURREGETARIA.

Getaria hobetzeko proposamenak jasotzeko Guztiok1! parte-hartze prozesua martxan da. Azken sei urteotan egin den bezala, etxe bakoitzeko postontzietan banatuko den fitxa osatu eta udaletxe atarian dagoen buzoian jasoko da.

On line galdetegia osatuz digitalki egiteko aukera ere badago; honen helbidea fitxetako QR-an edo udaleko webgune zein sare sozialetan zintzilikatuko da.

Azkenik, proposamenak herritarrenpartehartzea@getaria.eus posta elektronikora ere bidali daitezke. Partehartze prozesua urriak 30ean amaitzen da.

Bestalde, udalak jakinarazi duenez, aurtengo udazkenean abiatuko den 'aparkalekuen ordenantza egiteko parte hartze prozesua' dela eta herritarrekin zuzeneko bilerak ez dira izango; ala ere proposamenak aurrez-aurre helarazi nahi badira, udalarekin harremanetan ipini eta biltzeko aukera izango da.