Gure Zirkuak 17 emanaldi eskainiko ditu Orion

Orioko Udalak antolatuta, Gure Zirkuak 17 emanaldi eskainiko ditu Orion abuztuaren 1etik abuztuak 18a bitartean, udako ekitaldi-programaren barruan: asteazken, ostegun, ostiral eta igandetan, bana, 19:00etan, eta larunbatetan, berriz, bina emanaldi: 18:00etan bat eta 20:30ean bestea.

Gure Zirkuaren karpa Mendibeltz futbol eta sofbol zelaiaren ondoan instalatuko da, berdegunean.

Sarrerak internet bidez jarriko dira salgai gaur bertan, goizeko 9.00etatik aurrera. Honako bi lekuetan erosi daitezke: https://www.ticketea.com eta https://www.eventbrite.es

Gure Zirkua historiako lehen euskal zirku ibiltaria da eta arrakasta handia izaten ari da Euskal Herrian barrena. Malabarista, trapezista eta ekilibrista euskaldunek parte hartzen dute bertan, Iker Galartzaantzezle eta antolatzailearen esanetara. Emanaldietan ikastaroak ere antolatzen dituzte, helduek eta haurrek zirkuaren sekretuak ikas ditzaten.