Getaria

TAO zerbitzua eten egingo da, baina egoiliarren-aparkamendu sistema ez

Getariako Udalak aurreko urtean aldatu zuen Ibilgailuentzako aparkalekuen udal ordenantza. Bertan, egoiliarrentzako aparkalekuak handitzeaz gainera, zenbait egokitzapen egin ziren datetan.

Ibigailuen aparkalekua arautu eta ekipamentua hornitzeko zerbitzua lizitaziora atera zuen Udalak, otsailaren 12an. Hiru enpresa aurkeztu ziren, eta haietako batek lortu zuen lizitazioa. Aurkeztutako beste enpresa batek alegazio bat aukeztu du, eta, horrenbestez, kontratazio-batzordeak gaia ondo aztertu eta ebatzi bitartean, zerbitzua eten egingo da, behin-behinean.

Oraingoz, TAO zerbitzua ez da martxan jarriko; aparkalekuen ordenantzak, ordea, indarrean jarraituko du. Izan ere, Getariako Udalak ondo daki bisitarien etorrerak herritarren aparkalekuetan duen eragin handia; horrenbestez, bertakoen aparkalekuak erraztu eta babesteko, egoliarrentzako guneetan herritarrek aparkatzen dutela ziurtatzen eta kontrolatzen segituko du.