Getaria

Liderraren etxean jokatuko du bihak Keta Babyauto futbol taldeak Martutenen

Gizonezkoen Gorengo mailaren 21. jardunaldia jarriko da jokoan asteburu honetan eta Getariako Keta Ba-byauto futbol taldeak Donostian jokatuko du bere norgehiagoka bihar arratsaldean. Mailako liderraren zelaian, Martutenen (17:30ean) lehiatuko da partida eta noski, ez da batere erraza izango bertatik punturik ekartzea. Roteta indartsu dabil eta azken lau partidak irabazi egin ditu, horietatik hiru etxetik urrun. Baina ez pentsa bere zelaian gaindiezina denik, bere azken porrota Martutenen izan zuen Santo Tomas Lizeoaren aurka, joan den asteburuan Mendibeltzen nagusitu zen taldea.