Getaria

Keta Babyautok ezin izan dio bolada onari jarraipena eman

Ketakoek ez dute garaipenaren bidea aurkitzen etxean. Larunbatean Mendibeltzen Santo Tomas Lizeoa hartzen zuten eta zati bakoitzean egindako golei esker, donostiarrak nagusitu ziren 0 eta 2 emaitzarekin.

Alguacilek hamaikako hau zelairatu zuen: Arruti, Albizu, Larrañaga, Eizagirre, Agirre, Gurrutxaga, Goikoetxea, Lopetegi, Aranguren, Paz eta Esnal. Lazkanok, Iparragirrek, Argibe eta Arangurenek ere jokatu zuten.

Ostiral gauean jokatu zuen Keta Babyautoko areto futbol taldeak Sahatsagan. Lo harrapatu zituzten aurkariak Ketako jokalariek eta 12. minutuan 0 eta 3koa jaso zuten. Laugarrena egin zion Benetazko taldeak eta orduan hasi ziren etxekoak golak egiten, baina alferrik, zuloa handia bai zen.

Azkenean, 5 eta 9 amaitu zuten bisitarientzat. Getariarren golegileak Insausti (2), Isasti, Larrañaga eta Irigoien izan ziren.