Getaria

Keta Babyautok denboraldiko bigarren garaipena lortu du jarraian lehen aldiz

Plazeta futbol zelaian lortu zuen igarotako larunbat arratsaldean Getariako Keta Babyauto futbol taldeak denboraldiko bigarren garaipena jarraian. Aurreko astean, etxean, Sanpedrotarra menderatu ondoren, Plazeta futbol zelaira joan ziren larunbatean Lezoko Allerrurekin jokatzera.

Iker Agirrek egin zuen lehen gola 38. minutuan eta horrek lasaitasuna eman zion Martin Alguacilen taldeari. Oso garrantzi-tsua zen bi garaipen segidan lo-tzea, eta bigarren zatian partida erabakita utzi zuen Julen Esnalek sartutako golarekin. Sei puntu eder batu dituzte bi astetan, eta dagoeneko 21 puntu lortu dituzte, baina aurrera begira gehiago beharko dituzte bukaeran estutasunik igaro nahi ez badute. Hamalaugarren daude, bi talde atzetik Gorengoen 1. multzoan eta aurretik Allerru bera dago 23rekin, Mundarrok eta Sanpedrotarrak 26 dituzte eta 27 punturekin dago Usurbil.

Mendibeltzen izango da bisitari igandean 17:00etan jokatuko den partidan.