Getaria

Ibilgailuak aparkatzeko pegatina jaso ahalko da martxoak 17tik aurrera

Getariako aparkalekuen ordenantzaren arabera, TAO eta Egoiliarren eremuen erabilera mugatua Aste Santuan ezarriko da martxan. Bertan aparkatzeko baimena dutenek pegatina berriak jasotzeko aukera izango dute laster.

Ibilgailuaren zerga Getariako Udalean ordaintzen duten ibilgailuak aparkatzeko pegatina jasotzeko udaletxeko harrera bulegora jo dezakete martxoaren 17tik aurrera (astelehenetik ostiralera). Astelehenean 09:00etatik 13:00etara eta 17:00etatik 19:00etara. Asteartetik ostiralera 09:00etatik 13:00etara.

Turismo Bulegoan ere jaso ahal izango da, martxoak 21 eta 28an (ostiralak) 15:00etatik 18:00etara edo martxoak 22 eta 29 (larunbatak) 10:00etatik 14:00etara.

Bestalde, ibilgailua aparkatzeko pegatinaren eskaera egiteko, aparkamentu ordenantzaren arabera pegatina-bonoa izan behar duten ibilgailuak, udaletxeko harrera bulegoan egin dezakete.

Noiz? Martxoaren 31etik aurrera (astelehenetik ostiralera). Astelehena 09:00etatik 13:00etara eta 17:00etatik 19:00etara eta asteartetik ostiralera 09:00etatik 13:00etara.