Getaria

Gazteekin osatutako trainerua Oriako jaitsieran

Getariako Arraun Elkarteak gazteekin harrobia lantzen jarraitzen du eta asteburu honetan albiste pozgarria izan dute zaleek. Oriako Traineru Jaitsieran gazteekin osatutako traineru bat aurkeztu du. Bertan ziren Xanet Olaskoaga, patroi lanetan, eta arraunean, Enaitz Elorza, Anartz Garrastazu, Ixel Zumeta, Enaitz Iriondo, Denis Garratazu, Liher Garrastazu, Oier Larrañaga , Fabrizio Manzanares, Izar Urdangarin, Markel Pikabea, Jon Odriozola, Edgar Silveti eta Haritz Alberdi. Neska eta mutilak elkarlanean eta estropada dotorea eginaz. Laugarren amaitu zuten helmugan. Seniorren Esperantzak ere beste estropada bat egin zuen bere aurredenboraldian eta Oriako erlojupekoan zapigarren amaitu zuten. Hurrengo saioa Hondarribian izango dute.