Getaria

Floren Memorialeko jardunaldi berria jokoan gaur eta igandean

Futbito Txapelketak, XIII. Floren Memorialak, zazpigarren jardunaldia izango du gaur eta igandera bitartean. Ondoko partidak jokatuko dira; gaur, ostirala, gaueko 22:00etan, Politena eta Maruka elkarren aurrean (epailea Elkano). 23:00etan jardunaldiko norgehiagoka, sailkapeneko bi talde onenak aurrez aurre, Astillero eta Izarri (epailea Kaia Kaipe).

Igandean beste bi partida, 16:00etan Kaia Kaipe eta Itxas Etxe (epailea Izarri) eta jardubnaldia bukatzeko Elkano eta Abeta Berri (epailea Maruka). Atsedena Galsen taldeak izango du.

Aurreko jardunaldian emaitza hauek izan ziren; Astillero 6 - Itxas Etxe 2, Elkano 2 - Maruka 6, Izarri 3 - Abeta Berri 1 eta azkenik, Politena 4 - Galsen 11. Azken partida honek sailkapeneko zulotik ateratzeko aukera ematen zion garaileari eta Galsenekoak izan dira 3 puntuak batu dituztenak.

Sailkapen orokorrean bi talde ditugu une hauetan nagusi, Astillero eta Izarri 15 punturekin. Jarraian 12 puntu batu dituzte orain artean Kaia Kaipe eta Itxas Etxe taldeek. Beste bi talde berdinduta ditugu jarraian puntuta, 6rekin daude Elkano eta Abeta Berri, 3 punturekin Maruka eta Galsen eta azkena Politena punturik batu gabe.